Nytt år, nye moglegheiter

Heilt ut i frå det blå byrja eg i går og lese gjennom dei gamle blogginnlegga mine frå min aktive bloggeperiode på vidaregåande.

Når eg las gjennom tankane mine frå mine glansdagar på Framnes så slo det meg at det er utruleg artig å ha noko skriftleg å sjå tilbake på. Tenk, når eg er femti år, kor kjekt det er å sjå tilbake på kor naivt og barnleg syn eg hadde på ting.

Eg trur eigentleg Elisabet 20 år har fått eit litt breiare perspektiv på ting enn det eg hadde som 16, 17 og 18 åring. Likevel er det mykje eg ikkje veit endo, og eg lev litt i ei rosa boble der eg ikkje trur noko gale kan skje. Kva er vel farleg med å haike liksom? Alle er jo SÅ snille! - så ja, litt naiv er eg framleis. Men eg trivest sånn.

Poenget er hvertfall at eg har litt lyst til å byrje å blogge igjen, sånn for min eigen skuld. Blogging på folkehøgskulen var jo absolutt umogleg, der hadde eg jo nesten ikkje tid til å sjekke facebook ein gong, og det seier sitt. Studentlivet, derimot, opnar meir for bloggetid. Så då trur eg at eg skal gjere det; skrible ned mine daglegdagse tankar, sånn for min eigen skuld.

Då gjer eg det.

Kva er vel eit blogginnlegg utan illustrasjonsfoto? Her prøvde eg hvertfall å gå på do på Skjærgårds i sommar, men neida, aldri skal ein få vera i fred!